Çin vətəndaşının məhkəməsi başladı
 |
O, həmyerlilərini taxta parçası ilə döyüb
Cümə, 27.11.2009
|
|
Həmyerlisinə ağır xəsarət yetirən Çin vətəndaşı Xin Xan Xanqunun Azərbaycan məhkəməsi başlayıb. İşə Ağır Cinayətlərə Dair İşlər üzrə Məhkəmədə hakim Eynulla Vəliyev baxır.
Təqsirləndirilən şəxs Cinayət Məcəlləsinin 126.1-ci (qəsdən sağlamlığa ağır zərər vurma) və 127.1 (qəsdən sağlamlığa az ağır zərər vurma) maddələri ilə ittiham olunur.
İttihama görə, təqsirləndirilən Xin Xan Xanqun Bakıda taxta materiallardan olan istehsalat müəssisəsi işlədib. Həmyerliləri Jin Yun Xan və Xun Samsam ilə aralarında taxta materialları alğı-satqısı olub. Zərəçəkənlər Jin Yun Xan və Xun Samsam onun istehsalat müəssisəsinə gələrək, Xanqunun onlara borclu olduğunu və pulu qaytarmağı tələb ediblər. Çinlilər arasında düşən mübahisə davaya çevrilib. Nəticədə Xanqun taxta ilə Jin Yun Xanın baş nahiyəsinə zərbə endirib. Xan huşunu itirdikdən sonra isə Samsamı döyüb. Hər iki şəxs ağır kəllə-beyin travması ilə xəstəxanaya çatdırılıb.
Məhkəmədə ifadə verən təqsirləndirilən şəxs elan olunmuş ittiham üzrə özünü təqsirli bilib. O, həmyerliləri Jin Yun Xan və xanım Xun Samsama küt alətlə xəsarət yetirdiyini təsdiqlədi.
Proses dekabrın 7-də davam etdiriləcək.
|
|
|
Oxşar xəbərlər:
İİN məmurları rüşvət alarkən yaxalananda "şok" keçiriblərmiş
"Meşə qardaşları" dini baxışlarına görə ittiham olunduqlarını iddia edir
"Dəvəçi işi" üzrə məhkəmə başa çatdı
Ərini qətlə yetirən qadın məhkum edildi
"Meşə qardaşları"nın məhkəməsi təqsirləndirilən şəxslərin ifadəsi ilə davam edir
|
|
|
