Moskvanın "Flinta" nəşriyyatında tarix elmləri doktoru, Rusiya Elmlər Akademiyasının Rusiya Tarixi İnstitutunun elmi əməkdaşı Salavat İshakovun yeni kitabı işıq üzü görüb. Mədəniyyət və Turizm Nazirliyindən verilən xəbərə görə, "Məmməd Əmin Rəsulzadə. Əsərlərinin və məktublarının toplusu" adlanan kitab Azərbaycan Demokratik Respublikasının banisi M.Ə.Rəsulzadənin ölümünün 55-ci ildönümünə həsr olunub.
Qeyd edək ki, kitabda M.Ə.Rəsulzadənin 1923-cü ildə Türkiyədə çıxan "Azərbaycan Cümhuriyyəti" əsəri, əvvəllər elmi ictimaiyyətə məlum olmayan, 1920-30-cu illərdə SSRİ-də daxili siyasi situasiyaya aid məqalələri, 30-cu illərin sonlarına kimi Parisdə nəşr olunan "Prometey" jurnalındakı yazıları, həmçinin məktubları yer alıb.
|
