Amerika polisi keçmiş top-model Sindi Krouforddan şantaj yolu ilə 100 min dollar almağa çalışan türk əsilli Almaniya vətəndaşı haqqında cinayət işi açıb. ABŞ mətbuatında çıxan xəbərlərdə bildirilir ki, bir müddət əvvəl Almaniyadan deportasiya edilən 26 yaşlı Edis Kayalar Sindi Kroufordu 7 yaşlı qızının stula qandallanmış və ağzıbağlı vəziyyətdə olan şəklini yaymaqla hədələyərək, pul qoparmağa çalışıb. İstintaqı aparan polis şəklin qızın baxıcısı tərəfindən "oğru-polis" oyunu oynarkən çəkildiyini və Edis Kayaların şəkli əlaqə qurduğu həmin baxıcının mobil telefonundan ələ keçirdiyini bildirib.
Məlumatda Edis Kayaların Cindi Kroufordla təmasa keçərək əldə etdiyi şəkli yaymaq hədəsi ilə 100 min dollar tələb etdiyi bildirilib. Edis Kayaların əməli sübuta yetirildiyi təqdirdə, onun 2 il həbs cəzası alacağı qeyd olunub.
|
