Natəvan Həbibinin depressiyaya düşdüyü deyilirdi. Mətbuatın yazdığına görə, səssizliyə qapılaraq heç kəslə ünsiyyətə girmək istəmir. Özünü eyni zamanda telefon zənglərinə cavab verməkdən də məhrum edib. Bu səbəbdən onun "səssizliyinin" səbəblərini öyrənmək mümkün deyil...
Fəqət kiçik bir araşdırmadan sonra onun vəziyyətinin o qədər də "gərgin" olmadığını öyrəndik. Bəlli oldu ki, Natəvan Həbibi "Lider" telekanalının əməkdaşlarından biri ilə duet mahnı yazdırır. Xəbəri təfərrüatı ilə öyrənərkən bəlli oldu ki, həmin əməkdaşın adı Ramin İbrahimovdur. Texno-elektro üslubunda yazılan xırda musiqi əsəri hazır olarkən Natəvan maraqlı seçim edərək duet ortağının televiziya əməkdaşı olduğunu açıqlayıb.
Qeyd edək ki, "Şükürlər olsun" adlandırılan mahnının müəllifi Cəmil Məmmədlidir. Müğənni hesab edir ki, bunu tək ifa etsə, arzuladığı nəticəni ala bilməzdi. Tərəflər mahnının tezliklə məşhurlaşacağına ümid edirlər və əməkdaşlığı gələcəkdə də davam etdirmək fikrindədirlər.
|
