Bakı Slavyan Universitetində filologiya fakültəsi tələbələrinin geniş iştirakı ilə xalq yazıçısı İsmayıl Şıxlının 90 illik yubiley tədbiri olaraq toplantı keçirilmişdir. Mərasimi fakültənin dekanı İbrahimpaşa Babayev açmışdır. Filologiya elmləri doktoru, professor Bədirxan Əhmədov mərhum yazıçının ömür yolu və yaradıcılığı, ictimai-siyasi fəaliyyəti barədə məruzə ilə çıxış etmişdir.

Yaradacılıq fakültəsinin dekanı, tənqidçi-ədəbiyyatşünas Rüstəm Kamal yazıçının əsərlərinin, özəlliklə məşhur "Dəli Kür" romanının sənətkarlıq özəlliklərindən danışdı. Təbii ki, ölməz yazıçının şəxsiyyətinə və yaradıcılığına yüksək qiymət verildi və onu xoş xatirələrlə andılar.

Toplantıya yazıçının oğlu Elçin Şıxlı da qatılmışdı. Elçin Şıxlı atasının yaradıcılıq yolunun ayrı-ayrı epizodlarından söz açdı. Diskussiya xarakterli bu toplantıda tələbələr çoxlu suallar verir, çıxışçılar onları cavablandırırdı.