Bu həftə Brüsseldə Avropa Parlamenti binasında Azərbaycan Mədəniyyət Günləri keçirilib. Heydər Əliyev Fondunun məlumatına görə, tədbir fondla Azərbaycanın Avropa Birliyi yanında daimi nümayəndəliyinin birgə layihəsidir. Ötən günə kimi davam edən tədbirlərə Azərbaycanın mədəniyyət və incəsənət nümayəndələri qatılıb, həmçinin Azərbaycan mətbəxi geniş şəkildə təqdim edilib. Avropalı tamaşaçılarda Azərbaycan haqqında daha dolğun təsəvvür yaratmaq məqsədi ilə Azərbaycanın təbliğinə yönəlmiş geniş proqram hazırlanıb. Parlament binasının "Yehudi Menihin" zalında Azərbaycan rəssamlarının əsərlərindən və etnoqrafik miniatürlərdən ibarət sərgilər açılıb. Mədəniyyət Günlərində gənc muğam ifaçıları tamaşaçılara təsniflərdən ibarət proqram, "Bakı ulduzları" rəqs qrupu folklor seçmələrindən ibarət rəqslər təqdim ediblər. Konsert proqramına caz triosunun çıxışı da daxil edilib. Müsafirlər mədəniyyət günləri çərçivəsində hər gün Azərbaycan mətbəxi ilə yaxından tanış olublar. Kulinariya ustalarımız hər gün qonaqlara milli mətbəximizdən ləziz örnəklər təqdim etmişlər.
Bazeldə "Baku Unlimited" sərgisiBu həftədən başlayaraq noyabrın 29-dək Bazel şəhərində İsveçrədə Azərbaycan Mədəniyyət İli "Culture-2009 Azerbaiyan" layihəsi çərçivəsində "Baku Unlimited" adlı sərgi keçirilir.
Qəşəm Nəcəfzadə 50 illiyini qeyd etdiYazıçılar Birliyində Beynəlxalq Rəsul Rza mükafatı laureatı, "Azərbaycan" jurnalı poeziya şöbəsinin müdiri, şair Qəşəm Nəcəfzadənin 50 illik yubileyi qeyd edilib.
