İsveçrənin paytaxtı Berndə futbol üzrə klublararası dünya çempionatının püşkü atılıb və Birləşmiş Ərəb Əmirliklərində təşkil olunacaq yarışın təqvimi məlum olub.
Dekabrın 9-dan 19-dək Abu Dabidə 7 komanda mübarizə aparacaq. Bunlar 6 qitənin ən güclü klubu və meydan sahibidir. Avropa çempionlar Liqasının qalibi "Barselona" ilə Libertadores kubokunun son sahibi, Argentinanın "Estudiantes" klubu yarışa son mərhələdə qoşulacaqlar.
Xatırladaq ki, dünyanın ən güclü klubunu ayırd edəcək çempionatda aşağıdakı komandalar mübarizə aparacaqlar: "Əl-Əhli" (BƏƏ), "Oklend Siti" (Yeni Zelandiya), "Mazembe" (Konqo), "Pohanq Stilers" (Koreya), "Atlante" (Meksika), "Estudiantes" (Argentina) və "Barselona" (İspaniya).
|
