Noyabrın 29-da dünya futbolunda daha bir yenilik baş verəcək. Həmin gün İspaniya Primerosunda "Barselona" - "Real" matçı tarixə düşəcək. Belə ki, əzəli rəqiblərin "El kalssiko" adlanan prinsipial görüşü ilk dəfə kinoteatrlarda canlı yayımlanacaq. Primero oyunlarının yayım hüququna malik şirkət buna rəsmən razılıq verib. Tamaşaçılar kinoya bilet aldıqları kimi, eyni məbləğdə pul ödəyərək, derbini izləmək imkanına malik olacaqlar. "El klassiko"nun yayımı zamanı böyük pərdələr və güclü səs sistemlərindən istifadə ediləcək. Ancaq fərq ondadır ki, filmlər kinoteatda dəfələrlə göstərildiyi halda, derbi, sadəcə, bir gecə yayımlanacaq.