Noyabrın 6-da Azərbaycan Dillər Universitetində ədəbiyyatşünas-tədqiqatç Məsud Əlioğlunun "Darıxan adamlar" kitabının təqdimat mərasimi keçirilib.
ADU-nun rektoru, MM Beynəlxalq Əlaqələr Komitəsinin rəhbəri, AŞPA-nın vitse-prezidenti Səməd Seyidov, millət vəkili, tarix elmləri doktoru Cəmil Həsənli, AMEA-nın müxbir üzvü Tofiq Hacıyev, xalq şairi Nəriman Həsənzadə və Azərbaycan ədəbiyyatının tanınmış isimləri tədbirdə iştirak ediblər.
Rektor Səməd Seyidov toplantını giriş sözü ilə açaraq Azərbaycan ədəbiyyatının dünya ölkələrinin öndə gedən ədəbiyyatları siyahısında olduğunu qeyd edib:
"Tarix boyu Azərbaycan müxtəlif dövlətlərin işğalına məruz qalmış, lakin xalqımız hər zaman öz dilini, mədəniyyətini və ədəbiyyatını qoruyub saxlayıb və inkişaf etdirib.
ADU-nun Azərbaycan ədəbiyyatı kafedrasının müdiri Fəridə Şəfiyeva isə Məsud Əlioğlunun həyat və fəaliyyətindən bəhs edib. Bildirib ki, sosialist realizminin ədəbiyyatımızda hökm sürdüyü bir dövrdə romantizmdən yazan ədiblərin yaradıcılığını araşdırıb və onları önə çəkməyə çalışıb.
Daha sonra Cəmil Həsənli, Nəriman Həsənzadə, şair Seyran Səxavət öz çıxışlarında Məsud Əlioğlu ilə bağlı xatirələrini bölüşüblər. Onlar Nizami Gəncəvidən Səməd Vurğuna qədər Milli ədəbiyyatımızın keçdiyi yol, müxtəlif ədəbi seçmələrin bədii təhlil və tənqidi Məsud Əlioğlu yaradıcılığının əsas istiqaməti olduğunu bildiriblər. Bu baxımdan "Darıxan adamlar" kitabının böyük əhəmiyyət kəsb etdiyini vurğulayıblar.
|
