"Kurtlar vadisi" filminin əfsanəyə çevrilən əsas qəhrəmanı Polad Alemdarı canlandıran Necati Şaşmaz "donuz qripi"ndən çox qorxduğunu bildirib. Bu barədə türk mətbuatına danışan aktyor bildirib ki, filmlərdə ölümlərdən qorxmayan, düşmənlərini zərərsizləşdirmək üçün özünü təhlükələrə atan, heç nədən çəkinməyən "Polad Alemdar" "donuz qripi"ndən qorxusunu heç də gizlətmir. Bir neçə gün əvvəl qatıldığı tədbirdə heç kimə çox yaxınlaşmayan və öpüşüb-görüşməyən aktyor "ötən həftə ölkə xaricində bir festivala qatılmışdım, Türkiyəyə dönən kimi analiz verdim, nəticələr təmiz çıxandan sonra rahat nəfəs aldım", - deyə bildirib.
|
