Bu günlərdə keçirilən "MTV Avropa Musiqi Mükafatı"nı təqdimatında zirvəni türk qrupu Manqa əldə edib. Rus mətbuatının yazdığına görə, "Eurovision" qalibi Dima Bilan da həmin tədbirdə iştirak edib və ikinci yerə layiq görülüb. Xəbərdə qeyd olunur ki, Dima Bilan "Ən yaxşı rus artisti" adında mükafatı qazanıb. Lakin "Eurovision"dan fərqli olaraq, burada birinci adını daşıya bilməyib. Xəbərdə bildirilir ki, "Ən yaxşı Avropa artisti" nominasiyasının qalibi iki mərhələdən sonra bəlli olub. 17 ölkə arasından seçilən 5 ifaçı növbəti mərhələdə ən yaxşı Avropa ifaçısı adı uğrunda mübarizə aparıb. Dima Bilan və Manqadan sonra beşliyə Finlandiya (Deer Insight), Polşa (Doda) və İtaliya (Lost) daxil olub. Digər nominasiyalarda Beyons Nouls "Ən yaxşı mahnı", "Ən yaxşı video" və "Ən yaxşı ifaçı" nominasiyaları üzrə qalib gəlib. "Ən yaxşı qrup" adına Tokio Hotel, "Ən yaxşı rok-qrup" adına Green Day layiq görülüb. Eminem və Lady GaGa da yaxşı ifaçı kimi fərqlənib.
|
