Azərbaycan prezidenti İlham Əliyev oktyabrın 30-da Fələstin Muxtariyyətinin xarici işlər naziri Riyad Əl-Malkinin başçılıq etdiyi heyəti qəbul edib. Prezidentin mətbuat xidmətindən APA-ya verilən məlumata görə, xarici işlər naziri Riyad Əl-Malki Fələstin Muxtariyyətinin rəhbəri Mahmud Abbasın salamlarını və məktubunu dövlət başçısına çatdırıb. O, Fələstin Muxtariyyəti rəhbərliyinin Azərbaycanda səfirlik açılması barədə qərar qəbul etdiyini bildirib.
Görüşdə münasibətlərin müxtəlif sahələrinə dair fikir mübadiləsi aparılıb.
Prezident İ. Əliyev Mahmud Abbasın salamlarına görə minnətdarlığını bildirib, onun da salamlarını Fələstin Muxtariyyətinin rəhbərinə çatdırmağı xahiş edib.я
|
