"Belarus Ermənistanı təcavüzkar ölkə saymır". APA-nın "Novosti - Armeniya" agentliyinə istinadən verdiyi məlumata görə, bunu Belarusun xarici işlər naziri Sergey Martınov İrəvan Dövlət Universitetinin tələbələri ilə görüşündə deyib. Onun fikrincə, ATƏT-in Minsk Qrupu münaqişənin həlli üçün çox da uğurlu fəaliyyət göstərmir.
Belarusun Azərbaycana silah satmasına gəlincə, nazir bunu beynəlxalq normalar əsasında, Kollektiv Təhlükəsizlik Müqaviləsi Təşkilatı qarşısında öhdəliklərini pozmadan həyata keçirdiklərini söyləyib. S.Martınov Ermənistana da dərin hərbi əməkdaşlıq təklif etdiklərini bildirib.
|
