Türkiyənin "Show TV" kanalında yayımlanan "Varmısın, Yokmusun?" proqramının final bölümünün qonaqları Hollivudlu məşhur aktyor Bryus Uils və onun həyat yoldaşı Emma Heminq olacaqlar. Türk mətbuatına açıqlamasında proqram müəllifi və aparıcı Acun qonaqlarını İstanbuldakı "Ritz Karlton" mehmanxanasında ziyarət edib. Xəbərdə qeyd olunur ki, görüşdən sonra Acun deyib ki, "Varmısın, Yokmusun?" proqramında Emma Heminq bir xeyriyyə qurumu üçün yarışacaq. Bryus Uils də verilişin qonağı olacaq. Şou-proqramda aktyor üçün bir çox sürprizlər hazırlanıb. Acun qeyd edib ki, Bryus Uils türk və Osmanlı tarixini çox yaxşı bilir, İstanbulun mənzərəsinə heyran qalıb və bu şəhərdə gözəl bir film çəkmək mümkün olduğunu söyləyib.
Xatırladaq ki, sözügedən verilişin final bölümü bu gün axşam saatlarında olacaq. Türkiyənin "Akşam" qəzeti isə proqramda Bryus Uilsin caz oxuyacağını yazıb.
|
