Fransada aşıq havası səslənir
 |
Həmyerlimiz "Qazax" adlı qrup yaradıb
Şənbə, 24.10.2009
|
|
Fransada yaşayan, əslən azərbaycanlı musiqiçi Frederik Qazaxbəyli orada "Qazax" adlı qrup yaradıb. Qrupun proqramına Azərbaycan el havaları daxil edilmişdir. Qrupun solistlərindən, fransalı Meluka Obri Mikayıl Azaflının "Amandı" aşıq mahnısını səsləndirib.
Frederik (qısaca Fred) Qazaxbəylinin bildirdiyinə görə, onların yeni repertuarı "La fibre" adlı növbəti albomlarında yer alacaq. "Qazax" qrupunun "Foto" adlanan ilk albomunda isə Azərbaycan və Fransa milli musiqisinin ritmlərindən istifadə edilib. Artıq onlar iki ölkə musiqilərinin sintezi ilə də məşğul olurlar.
Öyrəndik ki, tamamlama işləri gedən albomda 13 mahnı yer alacaq ki, bunlardan ikisi Azərbaycan musiqisinin payına düşür. İkinci mahnı Ələkbər Tağıyevin "Sən gəlməz oldun" bəstəsidir. Layihənin maraqlı tərəflərindən biri budur ki, bir çox mahnılar tar və kamançanın müşayiəti ilə yazılıb. Həmin ifaçılar Elşən və Malik Mansurov qardaşlarıdır.
Qeyd edək ki, Frederik Qazaxbəylinin atası İlyas Qazaxbəyli İkinci Dünya savaşında almanlara əsir düşüb, sonra əsirlikdən qaçıb və Fransa müqavimət hərəkatına qoşulub. Müharibədən sonra Fransada - Qrenoblda yaşamağa qərar verib.
Frederik Qazaxbəyli vətənlə daim əlaqə saxlayır, vaxtaşırı Azərbaycanı ziyarət edir.
|
|
|
Oxşar xəbərlər:
Aşıq sənəti YUNESKO siyahısına daxil ediləcək
|
|
|
