Oktyabrın 22-də Serbiyanın Novi Sad şəhərində kişi və qadın şahmatçılardan ibarət milli komandalar arasında 17-ci Avropa çempionatı başlanıb. Azərbaycan həm kişilərin, həm də qadınların yarışında təmsil olunur. Kişilərin mübarizəsinə 38 kollektiv qoşulub.
Reytinqinə görə, çempionatın ikincisi sayılan kişi şahmatçılardan ibarət yığmamızın püşkatmada bəxti gətirib. Onlar birinci turda avstriyalı həmkarlarını sınağa çəkiblər.
Qadınların yarışında isə 28 komanda çıxış edir. Açılış turunda xanım şahmatçılarımız Fransa yığması ilə qüvvəsini sınayıb. Reytinqə əsasən, 20-ci yerdə qərarlaşan milli komandamız rəqibdən 14 pillə geri qalır.
Kişilərdən ibarət komandamız yarışa qələbə ilə başlayıb. Rəcəbovla Həşimov rəqibləri ilə xalları yarı bölüblər. Məmmədovla Məmmədyarov isə rəqiblərini təslim edərək, yığmamızın 3:1 hesabı ilə qələbəsini təmin ediblər. Kişi şahmatçılarımız dünən ikinci turda İngiltərə yığması ilə qarşılaşıblar.
Kişilər. I tur. Azərbaycan - Avstriya: Teymur Rəcəbov (2757) - Markus Recer (2561) - 0,5:0,5, Vüqar Həşimov (2740) - David Şegeliya (2560) - 0,5:0,5, Şəhriyar Məmmədyarov (2721) - Stefan Kindermann (2529) - 1:0, Rauf Məmmədov (2626) - Nikolaus Staneç (2541) - 1:0. Xanım şahmatçılarımız isə ilk turu heç-heçə başa vurublar. Məmmədyarova bacılarının qələbə qazanmasına baxmayaraq, Xəyalə və Türkan partiyadan məğlub ayrılıblar. Komandamızın növbəti rəqibi Serbiya şahmatçıları olacaq.
Qadınlar. Azərbaycan - Fransa: Zeynəb Məmmədyarova (2285) - Mari Sebaq (2519) - 1:0, Nərmin Kazımova (2228) - Silviya Kollas (2319) - 0:1, Türkan Məmmədyarova (2233) - Paulin Riçard (2304) - 1:0, Xəyalə İskəndərova (2212) - Maria Lekont (2325) - 0:1.
Yarışa oktyabrın 30-da yekun vurulacaq.
|
