Bu gün keçiriləcək iki oyunla Unibank Premyer Liqasında VIII tur başlanacaq. Mərkəzi görüş Lənkəranda keçiriləcək - liderlər qrupunda yer alan "Simurğ" ölkə kubokunun ikiqat qalibi "Xəzər- Lənkəran"ın qonağı olacaq. Yeri gəlmişkən, "Simurğ" indiyə kimi Lənkəran klubunu məğlub edə bilməyib.

Son üç turda uduzmaqla birinci pillədən beşinciyə düşən "Muğan" Bakıya növbəti səfər edəcək. Bakı son üç gündə ikinci paytaxt derbisinin iştirakçısı olacaq. Ölkəmizdə ilk məğlubiyyətini "İnter"dən alan "Bakı"nın türkiyəli baş məşqçisi Bülənt Korkmaz ilk "ev oyunu"nda "Neftçi" ilə görüşəcək. Hər iki paytaxt klubu cari çempionatda çox uğursuz çıxış edir və hələ mövsümün əvvəlində baş məşqçilərini dəyişməli olublar. Ağır günlərini yaşayan "Karvan" Azərbaycan kubokunun qalibi "Qarabağ"la qarşılaşacaq.

24 oktyabr: "Xəzər-Lənkəran" - "Simurğ", "Olimpik-Şüvəlan" - "Muğan";

25 oktyabr: "İnter" - "Standard", "Bakı" - "Neftçi", "Karvan" - "Qarabağ", "Turan" - "Qəbələ".

Ötən həftə isə Unibank Premyer Liqasında VII turun oyunlarında maraqlı nəticələr qeydə alınıb. "Bakı" türkiyəli yeni baş məşqçisi Bülent Korkmazın rəhbərliyi altında ilk rəsmi oyunu 3 xalla başa vurub. "Qarabağ" Quzanlıda "Neftçi"ni minimal hesabla üstələyib. Salyanda "Muğan" və paytaxtın "İnter" klubları arasında matçda isə qapılara 7 qol vurulub.

Turun nəticələri ilə tanış olun: "Muğan" - "İnter"- 1:6, "Qarabağ" - "Neftçi" - 1:0, "Standard" - "Xəzər-Lənkəran" - 1:2, "Turan" - "Bakı" - 0:1, "Qəbələ" - "Olimpik-Şüvəlan" - 2:1, "Simurğ" - "Karvan" - 2:0.

Üç gün əvvəl isə Unibank Premyer Liqasında təxirə salınmış III turun oyunları keçirilib. "Neftçi" komandası Vaqif Sadıqovun rəhbərliyi altında ikinci oyununda məğlubiyyətə düçar olub. "Xəzər-Lənkəran" isə minimal hesabla "Şəfa"da "Olimpik-Şüvəlan"a uduzub. "Qarabağ" Salyanda "Muğan" üzərində qələbə sayəsində "Simurğ"un liderliyinə şərik çıxıb. Nəhayət, "Turan" bu mövsüm ilk qələbəsini qazanıb və sonuncu pillədən qurtulub.

Təxirə salınmış III turun nəticələri: "Qəbələ" - "Neftçi" - 1:0, "Olimpik-Şüvəlan" - "Xəzər-Lənkəran" - 1:0, "Turan" - "Karvan" - 2:1, "Muğan" - "Qarabağ" - 0:1, "İnter" - "Bakı".