Şair Qəşəm Nəcəfzadənin "Oğlum, qapını aç, qapıda bir külək ölür" adlı yeni şeirlər toplusu işıq üzü görmüşdür. Topluda şairin əsasən son illərdə yazdığı şeirləri toplanıb. Onların əsas məzmunu insan duyğularının təbiət və cəmiyyət, kainat və dünya hadisələri ilə əlaqəsi, insanın bədii anatomiyası, ölüm, həyat, savaş, Allah və sevgidir. Şair çox halda öz sufi düşüncələrini oxucularla bölüşür.
Müəllif deyir ki, adından da göründüyü kimi, burada küləyin ölümü ədəbiyyatın, metaforanın, təbiətin, sözün ölümüdür. Bu ölüm ölümlərin ən gözəli, həyatın isə başlanğıcıdır.
Kitab "Şirvannəşr"də Qafqaz Universitetinin maliyyə dəstəyi ilə çıxıb. Xatırladaq ki, şairin indiyə kimi 21 kitabı işıq üzü görüb. Bunlardan 7-si xarici dillərdə nəşr olunmuşdur.
|
