Dekabrın 2-dən 5-dək Gürcüstanda 10-cu Tbilisi Beynəlxalq Kino Festivalı keçiriləcək. Festival zamanı sənədli filmlərin layihələri üçün Pitkinq-Marketin təşkili nəzərdə tutulur. Bu barədə "Nərimanfilm"dən məlumat verilib. Pitkinq-Sessiyaya Gürcüstan, Azərbaycan, Ukrayna və Moldovadan olan sənədli filmlər daxil edilir.
Xəbərdə deyilir ki, hər ölkədən yalnız 2 sənədli film layihəsi seçiləcək. Eyni zamanda iştirakçıların hər birinin layihəsinin tərkibinə rejissorlar, prodüserlər, beynəlxalq fondların və lokal prodüser şirkətlərinin təmsilçiləri daxil olmalıdır. Hazır məhsul 10 nəfərdən ibarət münsiflər heyətinin qarşısına çıxarılacaq. Onların kimliyi hələ açıqlanmır. Ən yaxşı sənədli film layihəsi 5000 avro məbləğində pul mükafatı alacaq.
|
