"Dağlıq Qarabağ münaqişəsi həll olunmadan protokolların parlamentdə ratifikasiya olunması çox çətindir". APA-nın məlumatına görə, bu açıqlamanı erməni jurnalistlərlə Türkiyənin dövlət naziri Egemen Bağış bölüşüb. O, parlamentdə ratifikasiya prosesinin Dağlıq Qarabağ münaqişəsindən əhəmiyyətli dərəcədə asılı olduğunu bildirib.
Egemen Bağış Türkiyənin AB-yə üzv qəbul edilməsində qondarma "erməni soyqırımı" iddiasının tanınması şərtinin olub-olmadığı sualına "Avropada bir çox ölkənin tarixində qan və dəhşət var", - deyə cavab verib. Almaniyada faşistlərin yəhudilərə qarşı soyqırımı həyata keçirməsi ilə "erməni soyqırımı" arasında oxşarlıq olduğu barədə sualı cavablandıran Egemen Bağış bu hadisələrin son dərəcə fərqli olduğunu deyib: "Almaniyada 6 milyon yəhudi öldü, ölənlər arasında bir alman da yox idi. Amma 1915-ci ildə baş verən hadisələrdə 2 milyon müsəlman öldürülüb".
|
