Futzal üzrə UEFA kubokunun elit raundunun püşkü atılıb. Püşkatma mərasimindən sonra Azərbaycan çempionu, Naxçıvanın "Araz" klubunun rəqibləri məlum olub.
"D" qrupunda mübarizə aparacaq komandamız Qazaxıstanın "Kayrat", Latviyanın "Nikars" və Yunanıstanın "Afina-90" klublarına qarşı oynayacaq. Bu mini-turnirin oyunları noyabrın 14-dən 22-dək Bakıda keçiriləcək.
Elit mərhələdə 16 klub 4 qrupda qələbə uğrunda mübarizə aparacaq. Qrup qalibləri "Dördlər finalı"nda oynamaq hüququ qazanacaq. Həlledici qarşılaşmalar 2010-cu ilin aprel ayında keçiriləcək. я "Fənərbaxça" Ginnesin Rekordlar Kitabında!
Türkiyənin "Fənərbaxça" futbol klubu 2010-cu il üçün Ginnesin rekordlar kitabına düşüb. Kitabın növbəti il üçün nəzərdə tutulan buraxılışında "sarı-lacivərdlilər" bütün dünyaya tanıdılıb.
Həmin yazıda "Fənərbaxça"nın təkcə futbolda deyil, bir çox idman növü üzrə komandalara malik olduğu göstərilib.
"Fənərbaxça"nın "Avea" şirkəti tərəfindən hazırlanan 71,35 X 79,15 metr ölçülü forması isə dünyanın ən böyük futbol geyimi kimi qəbul edilib.
|
