Tezliklə Azərbaycanda "Miss və Mister Azərbaycan" gözəllik müsabiqəsi keçiriləcək. Müsabiqəyə təşkilati dəstək verən "SR Grour Production"dan verilən məlumata görə, "Glamour Model Agency" tərəfindən həyata keçirilən bu genişmiqyaslı tədbir Azərbaycanda model biznesini təkmilləşdirmək və onu dünya səviyyəsinə çıxarmaq məqsədi ilə təşkil olunur. Xəbərdə bildirilir ki, müsabiqədə qalib gəlmiş 1-ci yerin sahibləri xanım və bəy Azərbaycanı Dünya Gözəllik yarışmasında təmsil edəcəklər:
"Bu yarışmalarda hər il 100-dən artıq ölkə iştirak edir. Azərbaycan indiyə qədər bu müsabiqələrdə iştirak etməyib. Bu ildən bu şansı Azərbaycana "Glamour Model Agency" təqdim edəcək". Qeyd edək ki, müsabiqənin rəhbəri "Glamour Model Agency" və "Miss və Mister Azərbaycan" gözəllik müsabiqəsinin prezidenti Mübariz Allahverdiyevdir.
İlk milli fotoarxiv yaradıldıAzərbaycanda milli fotoarxiv fondu yaradılıb. Fotoqraflar Birliyi nəzdində fəaliyyətə başlayan arxivdə bütün sahələr üzrə fotomateriallar yığılacaq.
