Mədəniyyət və Turizm Nazirliyinin sifarişi ilə rejissor Ülviyyə Könül "Hanı vəkil?" adlı filmi ekranlaşdırır. Komediya janrında olan ekran işi bir vəkilin başına gələn hadisələri özündə birləşdirir. Ülviyyə Könülün sözlərinə görə, filmin ssenari müəllifi Ramiz Fətəliyev, quruluşçu operatoru Rafiq Nəsirov, bəstəkarı Rəşad Haşımovdur. Rejissor bildirdi ki, ekranlaşdırdığı filmdə baş rolu Bəhruz Əhmədli oynayır. Digər rollar isə Bəhram Bağırzadə, Qorxmaz Əlili, Səidə Quliyeva, Fuad Osmanov, Naina İbrahimova, Rövşən Kərimduxt və teleaparıcı Kamilə Babayevaya həvalə olunub.
Filmin quruluşçu rejissoru onu da söylədi ki, "Hanı vəkil?"in əsas hissələri artıq ekranlaşdırılıb. Çəkilişlər gələn ayın sonuna kimi yekunlaşacaq. O, filmin gələn ilin yanvarında təqdimata çıxarılacağını sözünə əlavə etdi.
İlk milli fotoarxiv yaradıldıAzərbaycanda milli fotoarxiv fondu yaradılıb. Fotoqraflar Birliyi nəzdində fəaliyyətə başlayan arxivdə bütün sahələr üzrə fotomateriallar yığılacaq.
