Əməkdar artist Almaz Ələsgərlinin adı son aylar qızları ilə bağlı yaranan mövzularda daha çox hallandırılır. Xatırladaq ki, iki qız anası olan Almaz xanım onların ikincisinə də toy etmişdi. Böyük qızı həyat yoldaşının işi ilə bağlı Londonda yaşayır. Kiçik qızı isə bir neçə ay öncə ailə həyatı qurmuşdu.
Son vaxtlar isə onun qızlarının ailə münasibətlərində gərginlik yaşadığı barədə söhbətlər dolaşmaqdadır. Hətta onlardan birinin Almaz xanımın yanına qayıtdığı deyilirdi. Şayiələri zaman-zaman təkzib edən Almaz Ələsgərli artıq təngə gəldiyini bildirib və özünə qadağa qoyub: qızları haqqında bir kəlmə də olsun açıqlama verməyəcək, mətbuat və televiziya mənsublarından ona bu mövzu ilə bağlı müraciət etməsinlər. Almaz xanım deyib:
"Son aylar məni qızlarımın ailə münasibətləri ilə bağlı tez-tez narahat edirlər. Mən şəxsi işlərimizin mətbuatda bu qədər hallanmasının tərəfdarı deyiləm. Ümumiyyətlə, bu piara mənim ehtiyacım yoxdur. Eyni zamanda, qızlarımın ailə münasibətləri qaydasındadır".
Almaz xanımı narahat edən məqamlardan biri isə budur ki, bu kimi yersiz söz-söhbətlər onun yaradıcılığını ikinci plana keçirib:
"Mən sənətə dava-dalaşla gəlib, özünə piar qazandıranlardan deyiləm. Uzun illərdir milli estrada sənətinə xidmət edirəm və adımın bu gündən sonra yaradıcılığımla hallandırılmasını arzulayıram. Bu cür söhbətlər məni açmır".
İlk milli fotoarxiv yaradıldıAzərbaycanda milli fotoarxiv fondu yaradılıb. Fotoqraflar Birliyi nəzdində fəaliyyətə başlayan arxivdə bütün sahələr üzrə fotomateriallar yığılacaq.
