"France Presse" agentliyinin məlumatına görə, İtaliya yığma komandasının kapitanı, "Yuventus" klubunun məşhur futbolçusu, 2006-cı il dünya çempionu Fabio Kannavaro dopinq testdə "ilişib".
İdmançının qanında dopinq sayılan kortizon preparatının qalıqları tapılıb. "Yuventus" futbol klubu İtaliya Olimpiya Komitəsinə göndərdiyi məktubda Kannavaronun allergiyaya qarşı klub həkiminin yazdığı dərman içdiyini bildirib. Məktubda həmçinin həmin dərmanın qəbulunun son dərəcə vacib olduğu vurğulanıb. Məktubda deyilir ki, futbolçunu arı sancıb və kortizonun qəbulu vacib sayılıb. Kannavaro özü də müvafiq instansiyalara məktub göndərərək dərmanın qəbulunun vicibliyini bildirsə də, bu, onun işinə yaramayıb. Hadisə İtaliya Olimpiya Komitəsində araşdırılır.
|
