Milli Elmlər Akademiyası Rəyasət Heyətinin qərarı ilə Azərbaycan Dövlət Teleqraf Agentliyi, AMEA-nın Mərkəzi Elmi Kitabxanası və M.F.Axundov adına Respublika Milli Kitabxanası tərəfindən "Ramiz Ənvər oğlu Mehdiyev" biblioqrafiyası hazırlanıb. AMEA-dan verilən məlumata görə, biblioqrafiyada alim, fəlsəfə elmləri doktoru, Nyu-York Elmlər Akademiyasının üzvü, Azərbaycan Fəlsəfə və Sosial-Siyasi Elmlər Assosiasiyasının prezidenti, Azərbaycan Respublikası Prezident Administrasiyasının rəhbəri, dövlət müşaviri Ramiz Mehdiyevin 25 kitabı, 200-ə yaxın məqaləsi, o cümlədən xaricdə buraxılmış 6 əsəri ilə yanaşı, redaktoru, elmi məsləhətçisi və buraxılışına məsul olduğu nəşrlər də sadalanır, ictimai-siyasi fəaliyyəti haqqında yazılmış məqalələr təqdim olunur. Xəbərdə qeyd olunur ki, Azərbaycan, rus və ingilis dillərində tərtib edilən biblioqrafiya "Şərq-Qərb" mətbəəsində çap olunub.
|
