Gənclər və İdman Nazirliyi Azərbaycan Rəssamlar İttifaqının iştirakı ilə gənc rəssamlar arasında Azərbaycanın xalq rəssamı Səttar Bəhlulzadənin 100 illik yubileyinə həsr olunmuş müsabiqə elan edir. Gənclər və İdman Nazirliyi mətbuat xidmətindən verilən xəbərə görə, müsabiqədə məqsəd Səttar Bəhlulzadə yaradıcılığının və bədii irsinin gənclər arasında təbliğinin genişləndirilməsi, Azərbaycan təsviri sənətinə, mədəniyyətinə və incəsənətinə marağın artırılması, təsviri sənət sahəsində yeni istedadların aşkar edilməsi, gənc rəssamların yaradıcılıq fəaliyyətlərinin inkişafı və onların yeni yaradıcılıq axtarışlarının stimullaşdırılmasıdır.
Xəbərdə qeyd olunur ki, lirik mənzərələr, təbiət motivləri Səttar yaradıcılığının əsasını təşkil etdiyi üçün müsabiqə də məhz bu janrı əhatə edir. Müsabiqədə 16-29 yaşlarında gənclər iştirak edə bilər. Bunun üçün iştirakçı müsabiqənin mövzusuna uyğun, məqsəd və şərtlərinə cavab verən əsər təqdim etməlidir.
|
