Azərbaycanın Koreya Səfirliyinin təşkilatçılığı ilə Koreyanın məşhur telekanallarından olan EBS kanalının 3 əməkdaşı oktyabrın 15-dək "The Travelr's Note" (Səyahətçinin qeydləri) adlı verilişin növbəti bölümünü çəkmək üçün Azərbaycana ezam edilmişdir. Səfirlikdən verilən xəbərə görə, ezamiyyət müddətində telekanal əməkdaşları Bakı, Lənkəran, Naxçıvan da daxil olmaqla, ölkənin bir sıra bölgələrində çəkiliş aparacaqlar. Xəbərdə bildirilir ki, çəkiləcək verilişin əsas məqsədi Azərbaycanın tarixi, mədəniyyəti, turizm potensialı haqqında koreyalılara ətraflı məlumat verməkdir. Nəzərdə tutulan veriliş hər biri 40 dəqiqədən ibarət olmaqla dördhissəli olacaq. Ekran işləri cari ilin noyabrında efirə gedəcək.
|
