Milli Məclis "Mədəniyyət haqqında" qanuna əlavə və dəyişikliklər edəcək. Mədəniyyət komissiyasının sədri, professor Nizami Cəfərovun bildirdiyinə görə, qanuna daha bir əlavə planlaşdırılıb. Onun sözlərinə görə, bu, prodüser anlayışını formalaşdırma məsələsidir ki, hazırda bu istiqamətdə hazırlıq işləri görülür: "Azərbaycanda prodüser institutunun yaradılmasına böyük ehtiyac duyulur. Bu ad altında çalışanların əksəriyyəti qeyri-peşəkarlar hesab edilirlər. Onların savadlanmasına böyük ehtiyac var".
Nizami Cəfərovun əlavəsinə görə, Milli Məclisin payız sessiyasında bu məsələ "Mədəniyyət haqqında" qanunun yeni təsdiqi zamanı həllini tapacaq və bundan sonra prodüser institutunun yaradılması məsələsinə başlanacaq".
|
