AFFA "Fənərbaxça" ilə müqavilə bağladı

Azərbaycan Futbol Federasiyaları Assosiasiyası (AFFA) ilə Türkiyənin "Fənərbaxça" klubu arasında mövcud müqavilənin imzalanması haqqında protokol imzalanıb. AFFA prezidenti Rövnəq Abdullayev və onun İstanbul təmsilçisindəki həmkarı Əziz Yıldırımın imzaladığı sənəd tərəflər arasında əməkdaşlığın bundan sonra da davamını nəzərdə tutur. Qeyd edək ki, yeniyetmə futbolçularımız 2 aydır Türkiyədə hazırlıq keçir.

"Bakı" və "Qarabağ" yeni mövsümə başlayır

Azərbaycan Premyer Liqasında yaranan 21 günlük fasilə başa çatır. Bu gün keçiriləcək üç görüşlə çempionat yenə də öz axarı ilə davam edəcək. IV turun əsas diqqət çəkən məqamlarından biri ötən mövsümün titullu komandaları - "Bakı" və "Qarabağ"ın yeni mövsümə başlamasıdır. Həm çempion, həm də Azərbaycan kubokunun sahibi avrokuboklarla mübarizə apardıqlarına görə, ilk iki turda iştirak etməmişdilər.

12 sentyabr:

17:00. "Karvan" - "Qəbələ"

18:00. "Xəzər-Lənkəran"-"Turan"

18:00. "Bakı" - "Simurğ"

13 sentyabr:

17:00. "Neftçi" - "Muğan"

17:15. "Qarabağ" - "Standard"

18:00. "İnter" - "Olimpik-Şüvəlan".