Azərbaycan gələn ilin ortalarından pilotsuz uçan aparatların ilk örnəklərinin istehsalına başlamağı planlaşdırır. Artıq pilotsuz aparatların istehsalı ilə bağlı hazırlıq işləri yekunlaşmaq üzrədir. Bu barədə lent.az-a Müdafiə Sənayesi Nazirliyi Elmi Tədqiqat İnstitutunun adının çəkilməsini istəməyən əməkdaşı bildirib.
İlk mərhələdə İsrailin Israel Aerosrace Industries şirkəti ilə birlikdə, əsasən Azərbaycan Silahlı Qüvvələrinin sifarişi əsasında açıqlanmayan sayda orta ölçülü pilotsuz uçan aparatların istehsalı nəzərdə tutulur. Əslində 90 faiz İsrail texnologiyaları əsasında Bakıda yığılacaq bu aparatların bəzi elektrooptik sistemləri Azərbaycan müəssisələrində istehsal olunacaq.
Gələcək perspektivdə isə Azərbaycan mütəxəssislərinin iştirakı ilə yaradılan pilotsuz uçan aparatların və insansız sualtı aparatların istehsalının həyata keçirilməsi planlaşdırılır.
"Defence Industry" dərgisi isə Azərbaycanın İsraillə birlikdə pilotsuz kəşfiyyat aparatları ilə yanaşı pilotsuz, üzəri kiçik raketlərlə silahlandırılmış aparatların da istehsalını gerçəkləşdirmək niyyətində olduğunu yazıb. Dərginin yazdığına görə, bu aparatların üçüncü ölkələrə satışı və marketinqi Azərbaycan Müdafiə Sənayesi Nazirliyi tərəfindən həyata keçiriləcək.
Hazırda Azərbaycan Hərbi Hava Qüvvələrinin cəbbəxanasında İsrail istehsalı olan 15-ə yaxın pilotsuz uçan aparat var.
Üç hərbçi minaya düşübDünən saat 11.00 radələrində Ağcabədi rayonunun Qiyamadınlı kəndi istiqamətində Azərbaycan Ordusunun 3 hərbi qulluqçusu traktoru idarə edərkən minaya düşüb.
Rusiya Bakıya raket gəmisi göndərirRusiya Hərbi Dəniz Qüvvələri Xəzər hərbi donanmasının flaqmanı olan "Tatarıstan" raket gəmisi və "Anatoli Qujvin" hidroqrafiya gəmisi Bakıya gələcək.
Azərbaycan KTMT-yə qoşulmağa hazırlaşmırAzərbaycan Kollektiv Təhlükəsizlik Müqaviləsi Təşkilatına (KTMT) qoşulmağa hazırlaşmır və yaxud KTMT Azərbaycanın quruma qəbulu üçün bu ölkə ilə danışıqlar aparmır.
