Cəlilabad rayonunda ər-arvadı qətlə yetirən Yardımlı sakini İlqar Məmmədova hökm oxundu. Ağır Cinayətlərə Dair İşlər üzrə Məhkəmənin hökmü ilə 15 il müddətinə azadlıqdan məhrum edildi.
Təqsirləndirilən şəxs CM 120.2.4-cü (xüsusi amansızlıqla və ya ümumi təhlükəli üsulla adam öldürmə), 120.2.7-ci (iki və ya daha çox şəxsi öldürmə), 177.2.2-ci (təkrar oğurluq) maddələri ilə ittiham olunurdu. Ötən il martın 4-də gecə saatlarında İ.Məmmədov Cəlilabadın Göytəpə şəhər sakini Həmdulla Ağayevin evini qarət etməyə girib. Evdə olan Həmdulla Ağayev və arvadı Xədicə yuxudan ayılaraq, evdə oğru olduğunu görüblər. O, cinayətini gizlətmək məqsədilə Həmdullanı və Xədicəni baltalayaraq qətlə yetirib, daha sonra evi qarət edərək aradan çıxıb. Ertəsi gün Ağayevlərin meyitlərini evlərindən qonşular tapıb.
İlqar Məmmədov isə az sonra həbs olunub.
|
