Azərbaycan kubokunun püşkü atılıb. Püşkatma mərasimində 20 komanda iştirak edib.

Premyer Liqa klublarından hamısı mübarizəyə qatılacaq. I diviziondan isə yalnız 8 klub kubok uğrunda qüvvəsini sınayacaq. Belə ki, "Göyəzən" (Qazax), "Ədliyyə" (Bakı), "Energetik" (Mingəçevir) və Bərdənin "ABN" komandası yarışdan imtina ediblər. Ölkə kubokunun 1/16 mərhələsinin ilk görüşləri sentyabrın 16-da və 17-də, cavab oyunları isə bir həftə sonra baş tutacaq. Bu yarışlar çərçivəsində 37 matç keçiriləcək, final oyunu gələn il mayın 22-də baş tutacaq.

Qeyd edək ki, 18-ci dəfə keçiriləcək kubokun son sahibi "Qarabağ" klubudur.