Bəstəkar Gövhər Həsənzadə Azərbaycan və Türkiyə dövlətlərinin dostluğunu tərənnüm edən mahnı yazıb. Musiqiçi xanım bildirir ki, hazırda türkiyəli sənətçilərlə çalışır: "Bir neçə türkiyəli sənətçi ilə əməkdaşlıq edirik. "Popstar Alaturka"dan tanınan Gökhanla hazırladığımız 4 mahnı yaxın vaxtlarda təqdim olunacaq. Onların arasında "Azərbaycan-Türkiyə" adlı mahnını ayrıca qeyd etmək istəyirəm. Bu, iki dövlət üçün nəzərdə tutulan ortaq işdir". Gövhər Həsənzadə yaxın günlərdə həm də konsert təşkilatçısı kimi işini davam etdirəcək. Bəstəkar xanım sentyabrın ortalarında azərbaycanlı sənətçilərin Finlandiya konsertini təşkil edəcəyini bildirib. Lakin hazırlıq işləri yekunlaşmadığından geniş danışmaq istəmədi.
