Gələn il Azərbaycanda Şuşa qalasının 260 illiyi münasibətilə silsilə tədbirlər nəzərdə tutulur. Şuşa şəhər Mədəniyyət və Turizm İdarəsinin rəisi Zahid Abbasovun APA-ya verdiyi məlumata görə, hazırda tədbirlər planının təsdiqi üçün Mədəniyyət və Turizm Nazirliyinin qərarı gözlənilir. Z.Abbasov deyib ki, həm Azərbaycanda, həm də Avropa ölkələrində sərgilərin keçirilməsi nəzərdə tutulur: "Bu sərgilərdə Şuşada olan tarixi-mədəni abidələrin həm dağıdılmazdan əvvəl, həm də dağıdılmış halının nümayişini təşkil etməyi düşünürük. Eyni zamanda 1750-ci ildə Pənahəli xan tərəfindən əsası qoyulan Şuşa qalası haqqında sənədli filmin hazırlanması və kitab nəşrini də planlaşdırırıq".
Z.Abbasov bildirib ki, tədbirlər planı təsdiqləndikdən sonra Şuşa qalasının 260 illiyi ilə bağlı ilk tədbirin vaxtı da müəyyənləşdiriləcək.
|
