Argentina yığması və "Barselona" klubunun şərəfini qoruyan Lionel Messi UEFA miqyaslı yarışların 2008/09 mövsümünün ən yaxşı futbolçusu seçilib. 22 yaşlı futbolçuya mükafat Monakoda təşkil olunan Çempionlar Liqası qrup mərhələsinin püşkatma mərasimində verilib.

Eyni zamanda 4 mövqe üzrə ən yaxşı futbolçuların adları açıqlanıb. "Mançester Yunayted"in qapıçısı Edvin van der Saar ən yaxşı qapıçı elan edilib. Ən yaxşı müdafiəçi nominasiyasında "Çelsi"də çıxış edən Con Terri fərqlənib. "Barselona"nın şərəfini qoruyan Xavi isə ən yaxşı yarımmüdafiəçilər nominisiyasında birinci olub.