Türkiyədə və bir çox ölkələrdə Azəri qızı Günel kimi tanınan sənətçi ötən gün qardaş ölkənin "Kanal-7" telekanalında ilk dəfə teleaparıcılıq edib. Özünün bildirdiyinə görə, bu təklifi iki ay əvvəl alıb və qısa zamanda dəyərləndirib.
Qeyd edək ki, azərbaycanlı sənətçi "Günellə dadlı dəqiqələr" adlı proqrama aparıcılıq edib. Adından göründüyü kimi, proqram mətbəxdən bəhs edir. Həftənin 5 gününü, günorta saatlarında efirə çıxan sənətçi yerli aşpazların biri ilə maraqlı təqdimat edir. Eyni zamanda, sənətçinin qonaqları olur. Telekanalın rəsmi saytının yazdığına görə, "Günellə dadlı dəqiqələr" Ramazan ayına təsadüf etdiyindən, proqram öz yayımını hələlik bu istiqamətdə davam etdirir.
Saytın yazdığına görə, iki günlük yayım ərzində proqram özünə geniş tamaşaçı auditoriyası toplaya bilib. Bu səbəbdən telekanal rəhbərliyi proqramın bir televiziya fəslini əhatə etməsi barədə razılaşıb.
|
