Avropa Liqasının dördüncü təsnifat mərhələsində mübarizə aparan "Qarabağ" ciddi itki ilə üzləşib. Belə ki, Ağdam klubu qitəmiqyaslı yarışlarda Rəşad Sadıqovun xidmətindən faydalana bilməyəcək. Buna səbəb yığmanın kapitanının avqustun 12-də dünya çempionatının seçmə mərhələsində keçirilən Almaniya ilə oyun ərəfəsində məşqdə əzələsini qırması olub. 27 yaşlı müdafiəçi almaniyalılarla matça zədəli çıxsa da, oyundan sonra həkim müayinəsindən keçib. Məlum olub ki, futbolçu 4-5 həftə yaşıl meydanlardan kənarda qalacaq. Buna görə də Rəşad Sadıqov avqustun 20-də və 27-də Hollandiyanın "Tvente" klubu ilə oyunlarda iştirak edə bilməyəcək.
|
