Türkiyənin Ali Hərbi Şurası tərəfindən 3 gün əvvəl 2-ci Hava Qüvvələri komandanı təyin edilən general Mustafa Çotuksökən gözlənilmədən istefa verib. "Sabah" qəzetinin yazdığına görə, Ali Hərbi Şuranın qərarının mürəkkəbi qurumamış general Mustafa Çotuksökənin istefa ilə bağlı müraciəti qəbul olunub. Qəzet yazır ki, kuluarlarda generalın Ali Hərbi Şuranın qərarından narazı qaldığı üçün etirazını istefa verməklə bildirdiyini söylədiyi barədə danışılır.
|