Dünən Azərbaycanın müdafiə naziri general-polkovnik Səfər Əbiyev Pakistan Hərbi Dəniz Qüvvələri komandanı admiral Bəşir Nomanın başçılıq etdiyi heyəti qəbul edib. Qarşılıqlı fikir mübadiləsi şəraitində keçən görüşdə Səfər Əbiyev Pakistanla Azərbaycan arasında mövcud çoxşaxəli hərbi-siyasi əməkdaşlıq münasibətlərinə toxunaraq bu əlaqələrin gələcəkdə daha da genişlənəcəyini bildirib. Pakistan - Azərbaycan əməkdaşlığının müdafiə sənayesi sahəsinə öz böyük töhfəsini verdiyini qeyd edən müdafiə naziri Azərbaycan kimi Pakistanın da ərazi münaqişəsi ilə üzləşdiyini deyib.
Admiral Bəşir Noman Ermənistan - Azərbaycan Dağlıq Qarabağ münaqişəsi ilə bağlı ölkəsinin mövqeyini açıqlayaraq bildirib ki, münaqişə yalnız Azərbaycanın ərazi bütövlüyü çərçivəsində həllini tapa bilər və bu məsələdə Pakistan hər zaman Azərbaycanın yanındadır.
Türk ordusunda sürpriz istefaTürkiyənin Ali Hərbi Şurası tərəfindən 3 gün əvvəl 2-ci Hava Qüvvələri komandanı təyin edilən general Mustafa Çotuksökən gözlənilmədən istefa verib.
