Azərbaycanın futzal yığması Braziliya ilə qarşılaşacaq. AFFA-dan verilən məlumata görə, milli komandamız dördqat dünya çempionları ilə bu ilin oktyabr ayında oynayacaq. Razılaşmaya əsasən, qarşılaşma Braziliyada baş tutacaq.
Matç braziliyalı Joze Alesio da Silvanın rəhbərlik etdiyi yığmamız üçün gələn ilin yanvarında Macarıstanda keçiriləcək Avropa çempionatının final mərhələsinə hazırlıq xarakteri daşıyacaq. Qeyd edək ki, indiyədək futzal üzrə dünya çempionatı 6 dəfə keçirilib. Braziliya yığması bu çempionatlarda 4 dəfə qızıl, 1 dəfə gümüş və 1 dəfə bürünc medal qazanıb.
|
