Amerika Birləşmiş Ştatları Azərbaycanın Hərbi Doktrinasının və Strateji Müdafiə İcmalının hazırlanmasında yaxından iştirak edir və bu sənədlərin tezliklə qəbulunda maraqlıdır. "MilAz" İnformasiya Agentliyinin xəbərinə görə, bunu Vaşinqtonda ABŞ - Azərbaycan hərbi məsləhətləşmələri zamanı Pentaqon təmsilçiləri bəyan ediblər.
Qeyd edək ki, bu günlərdə Vaşinqtonda növbəti ABŞ - Azərbaycan hərbi məsləhətləşmələri keçirilib və bəlli olub ki, növbəti ikitərəfli hərbi məsləhətləşmələrdə iştirak edən altı nəfərlik Azəraycan heyətinə Silahlı Qüvvələrin baş qərargah rəisinin müavini rəhbərlik edib. Görüşə Azərbaycanın ABŞ-dakı hərbi attaşesi polkovnik Eldar İsmayılov da qatılıb.
Azərbaycan tərəfi ABŞ-ın Azərbaycan Silahlı Qüvvələrinin NATO standartlarına transformasiya prosesinə göstərdiyi dəstəyə görə təşəkkürünü bildirib. Qeyd olunub ki, bu dəstək nəticəsində Azərbaycan müdafiə və təhlükəsizlik sektoru ilə bağlı strateji sənədlərin tezliklə qəbul ediləcəyinə ümid edir.
Vaşinqtondakı görüşdə iki ölkə arasında hərbi əməkdaşlığın mövcud vəziyyəti və perspektivləri müzakirə olunub. Məlumata görə, görüş zamanı ABŞ Müdafiə Nazirliyinin yüksəkrütbəli təmsilçilərinin bir müddət öncə Azərbaycana səfəri diqqət mərkəzində olub. Pentaqon rəsmiləri bildiriblər ki, Azərbaycanın bölgənin təhlükəsizliyinin təmin olunmasındakı rolu kifayət qədər ciddidir. Danışıqlarda Qəbələ RLS-in gələcək taleyi də diqqət mərkəzində olub.
ABŞ-la Azərbaycan arasında son hərbi məsləhətləşmələr ötən il Bakıda keçirilib.
Pentagon,Azerbaycan,gorush
Üzeyir Cəfərov generalın qətli ilə bağlı dindirilib
Hərbi ekspert Üzeyir Cəfərov Prokurorluğun Ağır Cinayətlərə dair İşlər üzrə İstintaq İdarəsində general Rail Rzayevin qətli ilə bağlı dindirilib. Cəfərovun "Turan"a verdiyi məlumata görə, mühüm işlər üzrə müstəntiq Vaqif İsmayılov generalın qətlinə qədər və ondan sonra Cəfərovun telefon danışıqları ilə maraqlanıb. Xüsusən Cəfərovun qətl barədə kiminlə danışması, cinayət günü bununla bağlı kimə zəng etməsi və ona kimin zəng etdiyi dəqiqləşdirilib. "Dindirmə protokollaşdırılıb və normal şəraitdə keçirilib", - deyə Cəfərov bildirib. Onun sözlərinə görə, istintaq həmçinin onun qətllə bağlı mümkün versiya və səbəblər haqqında fikrini öyrənib. Xatırladaq ki, müdafiə nazirinin müavini və HHQ və HƏM komandanı general-leytenant Rail Rzayev 11 fevral 2009-cu ildə evinin yaxınlığında güllələnib. Cinayətin üstü indiyədək açılmayıb.я
|
