Avqustun 4-də Türkiyənin paytaxtı Ankarada başlanacaq güləş üzrə gənc oğlan və qızlar arasında dünya birinciliyində mübarizəyə qatılan Azərbaycan milli komandasının heyəti məlum olub.
Azərbaycan Güləş Federasiyasının mətbuat xidmətinin məlumatına görə, 6 gün davam edəcək yarışda ölkəmiz sərbəst, yunan-Roma və qadın güləşi növlərində, ümumilikdə isə 15 pəhləvanla təmsil olunacaq. Yarışın ilk 2 günündə yunan-Roma güləşçiləri döşək üzərinə çıxacaqlar. Avqustun 6-7-də meydan qızların ixtiyarında olacaq. Avqustun 8-də mübarizəyə qoşulacaq sərbəst güləşçilər iki gün yarışacaqlar.
|
