"Duzlu göl"də çimməyə qoyulan yasaq bu il də qüvvədədir
 |
Lakin "müalicə" məqsədilə bu xəstəlik mənbəyinə könüllü üz tutanlar az deyil
Şənbə, 01.08.2009
|
|
mətn ölçüsü |
|
|
|
Hövsan-Zığ magistral yolunun kənarında yerləşən "Duzlu göl" xəstəlik mənbəyinə çevrilib. Ərazidə antisanitar vəziyyət hökm sürdüyündən yoluxucu xəstəliklərə tutulma ehtimalı var. Yəni bu göldə çimməklə dəri-zöhrəvi xəstəliklərin daşıyıcısına çevrilmək şansı böyükdür. Buna səbəb göldə indiyə qədər heç bir dezinfeksiya tədbirlərinin aparılmadığı və müxtəlif xəstəliklərin daşıyıcılarının gölə təşrif buyurmasıdır.
Bəlli olduğu kimi, vətəndaşlar bu gölə həkim məsləhəti olmadan, türkəçarə yolu ilə müalicə məqsədilə gəlirlər. Bu isə əksər hallarda duzlu süyun orqanizmə mənfi təsiri ilə nəticələnir. Yerli sakinlər isə sudan çıxarılaraq aylarla şəraitsiz mühitdə saxlanan palçığı vətəndaşlara təkrar satmaqla xəstəliyin yayılmasında aktiv rol oynayırlar. Nəticədə gölün suyu və palçığı vasitəsilə yoluxucu xəstəliklərin yayılma riski artıb.
Builki çimərlik mövsümündə də "Duzlu göl"də çimmək rəsmən qadağan edilib. Buna səbəb gölün ətrafının sanitar normalara cavab verməməsidir. Respublika Gigiyena və Epidemiologiya Mərkəzinin şöbə müdiri Ziyəddin Kazımovun bildirdiyinə görə, göldə çimməyə 2006-cı ildən qadağa qoyulub. Bu il də vəziyyət dəyişmədiyindən qərar qüvvəsində qalıb. Lakin "Duzlu göl"dən "müalicəvi" məqsədlə istifadə edilir. Artıq "Neftçilər", "Əhmədli" stansiyasında göl istiqamətində 74 saylı marşrut istifadəyə verilib. Havaların küləkli keçməsinə baxmayaraq, gölə getmək istəyənlər çoxdur. "Müalicəvi" əhəmiyyətli gölün yaxınlığında çimməyin qadağan edildiyini təsdiqləyən xəbərdarlıqlar vurulmayıb.
|
|
|
Oxşar xəbərlər:
Elçin Behbudov: "Novruzəli Məmmədovun səhhətindəki problem həyatı üçün təhlükə yaratmır"
|
|
|
