Gəncədə ikinci ildir yay mövsümü ilə əlaqədar "Amfiteatr" fəaliyyətinə start verilib. Teatrda açıq hava altında hər həftənin iki günü konsert proqramları və tamaşaları nümayiş etdirilir. Teatrın direktoru Bayram Fətəliyevin məlumatına görə, ərazisi 300 kv metr olan, Gəncə Dövlət Kukla Teatrının həyətində yerləşən "Amfiteatr" yenicə təmirdən çıxıb. Teatrda yeni işıq sistemlərinin quraşdırılması da nəzərdə tutulub: "Teatrda estrada-şou qrupunun və incəsənət xadimlərinin çıxışları tamaşaçıların böyük marağına səbəb olur. Əhalinin asudə vaxtlarını xoş və səmərəli keçirməsi, mənəvi qida alması üçün uyğun məkanlardan olan "Amfiteatr"ın səhnəsi müasir tələblərə uyğun şəkildə hazırlanır".
