Arı yeşiklərinin qoruqlarda yerləşdirilməsi üçün icazə verilir. Ancaq arıçılar üçün yol bağlıdır. Ekologiya və təbii sərvətlər naziri Hüseyn Bağırov deyir ki, arıçılar arını qabağa verir, özləri isə qoruğun içində yerbəyer olmaq istəyirlər. Onun sözlərinə görə, arıçı qoruqda özü üçün koma da tikir, mal-qarasını, ailəsini də qoruğa aparır ki, bu da yolverilməzdir: "Şikayətçilər qəti haqsızdır. Arıların qoruqda olmasına ona görə razılıq verdik ki, arıların meşədə olması meşələrin yaxşı inkişafına köməkdir. İndi qaydalar işlənir. Qanunu tənzimləyən qaydalar olmalıdır. Qaydalar tezliklə Nazirlər Kabinetinə təqdim olunacaq".
Nazir həmin qaydalarda arıçının qoruğa necə daxil olması ilə bağlı məqamın əksini tapacağını bildirib: "Arıçılar qanundan sui-istifadə etməməlidir".
|
