Dövlət radiosunun rəhbəri dəyişdi
|
66 yaşlı Mövlud Süleymanlı təqaüdə göndərildi
Şənbə, 18.07.2009
|
|
Azərbaycan Televiziya və Radio Verilişləri Qapalı Səhmdar Cəmiyyəti sədrinin radio üzrə müavini, yazıçı Mövlud Süleymanlı vəzifəsindən azad olunub. Qurum sədrinin radio üzrə müavini vəzifəsinə Cavanşir Cahangirov təyin edilib.
Qeyd edək ki, 66 yaşında təqaüdə göndərilən Mövlud Süleymanlı dövlət radiosuna 1992-ci ildən bu yana rəhbərlik edirdi.
Cavanşir Cahangirov isə 1955-ci ildə Bakıda doğulub. 1982-ci ildə indiki Bakı Dövlət Universitetinin jurnalistika fakültəsini bitirib. Universiteti bitirdiyi ildən indiyədək AzTV-də çalışır. 1989-cu ildən isə müxtəlif redaksiyaların baş redaktoru olub.
|
|
|
|
|
|
|