Avqustun 3-dən 16-dək, Çexiyanın Tepilcə şəhərində beynəlxalq klassik-musiqi festivalı keçiriləcək. Festivalın təşkilatçıları Avropa Musiqi Akademiyası (Çexiya) və Musiqi və İncəsənət Universitetidir (İsveçrə). Azərbaycanı musiqi yarışmasında beynəlxalq müsabiqələr laureatı dirijor Əyyub Quliyev təmsil edəcək. Qeyd edək ki, Əyyub Quliyevin rəhbərliyi altında Çex filarmoniyası orkestrinin ifasında Mosartın, İ.Bramsın, R.Ştrausun, P.Çaykovskinin və başqa bəstəkarların iri simfonik əsərləri səslənəcək. Festivalda Böyük Britaniya, İsveçrə, Fransa, İtaliya, Almaniya, Avstriya və Bolqarıstandan olan tanınmış ifaçı və dirijorların çıxışları gözlənir.
|
