Azərbaycanlı sevgilisi Ebru Gündəşə qadağa qoyub
 |
Müğənninin keçmiş sevgilisi ilə ayrılmağının səbəbi bəlli oldu
Şənbə, 11.07.2009
|
|
Türkiyəli sənətçi Ebru Gündəş Türkiyənin Star televiziyasının layihəsi olan "Popstar Alaturka"nın münsiflər heyətində iştirak edərkən aparıcısı Osmantan Ərkırla isti münasibətdə idi. Lakin qısa zaman kəsiyində onların ayrılıq xəbəri yayıldı.
Türk mətbuatının ötən gün yazdığı xəbərə görə, Ebrunun keçmiş sevgilisi ilə eyni proqrama çıxmamasına səbəb indiki azərbaycanlı sevgilisi Rza Zərrabdır. Xatırladaq ki, artıq bir neçə aydır onların birlikdə olduğu deyilir.
Yaradıcılığının ritmini zəiflədən Ebrunun adı hər həftə bir ölkənin istirahət mərkəzindən çəkilir. Lakin müğənni maqazin proqramlarına bağlananda şəxsi həyatına dair bir kəlmə də olsun danışmır. Hətta onları birlikdə görən də olmayıb. Hər bir addımını düşünərək atan Ebru Gündəş şəxsi həyatının gündəmə gəlməsini istəmir. Buna baxmayaraq onun haqqında söhbətlər səngimək bilmir.
Bu həftə adı yenidən müzakirəyə çıxarılan müğənni haqqında deyilir ki, azərbaycanlı Rza Zərrab vaxtilə Ebrunun Osmantanla bir proqramda olmağını istəməyib və eyni zamanda, sənətçi xanıma televiziyaçıya "yox" deməyi bildirib. Osmantanla Ebrunun ayrılması xəbəri isə bu ricanın havada qalmadığına işarədir.
Bu arada isə öyrəndik ki, azərbaycanlı sənətçilərin də qatıldığı "Popstar Alaturka" yarışması uzun aradan sonra yeni mövsümdə ekrana qayıdacaq. Proqram artıq "FOX TV"-dən ekranlara çıxacaq. Ebru Gündəşin keçmiş sevgilisi Osmantanın hazırladığı və aparıcılıq etdiyi proqramda kiçik dəyişiklik edilib. Belə ki, əvvəllər Ebru Gündəş, Bülənd Ərsoy, Ərmağan Çağlayan və Orxan Gəncəbaydan ibarət münsiflər heyətinin tərkibi dəyişib. Münasibətlərinin bitməsinə baxmayaraq Osmantan Ərkır Gündəşdən proqramda iştiraka davam etməsini istəyib. Ancaq Ebru keçmiş sevgilisinin təklifini rədd edib. Nəticədə Ərkır bu işi ünlü müğənni Sibel Cana təklif edib. İşlərinin çoxluğunu əsas gətirən Sibel Can da təklifi qəbul etməyib. Sonda Ebrunun boş qalan kürsüsündə Gülbən Ərgənin oturacağı bəlli olub.
|
|
|
|
|
|
|
